Այսօր Ուկրաինայի Օդեսա քաղաքում միմյանց հետ կռվել են Մայդանի կողմնակիցներն ու ռուսամետ ակտիվիստները։ Այս մասին գրում է «Ինտերֆաքսը»։
Բախումը տեղի է ունեցել այն հյուրանոցի մոտ, որտեղ գտնվում է Ուկրաինայի նախագահի թեկնածու, «Ռեոգիոնների կուսակցության» ներկայացուցիչ Օլեգ Ցարևը։
Շուրջ 100 մայդանցիներ շրջափակել են հյուրանոցը՝ թույլ չտալով Ցարևին լքել շենքը։ Դրանից հետո նրանց մոտեցել է ռուսամետ ակտիվիստների մի խումբ։ Այն պահին, երբ, այսպես կոչված, հակամայդանցիներից մեկը այրել է Ուկրաինայի դրոշը, սկսվել է ծեծկռտուքը։
Ոստիկանությանը, ի վերջո, հաջողվել է բաժանել նրանց։ Ուկրաինայի ՆԳՆ-ն առայժմ չի մեկնաբանել այս միջադեպը։
