ԱՄՆ-ը իշխանությունները կվերանայեն հատուկ ծառայությունների կողմից հետախուզական տվյալների ձեռքբերման մեթոդները։ Այս մասին ասել է ԱՄՆ նախագահ Բարաք Օբաման Ֆրանսիայի նախագահ Ֆրանսուա Օլանդի հետ հեռախոսազրույցի ժամանակ։ Հիշեցնենք, որ ԱՄՆ նախկին գործակալ Էդվարդ Սնոուդենի գաղտնազերծած հերթական փաստաթղթից պարզ է դարձել, որ ԱՄՆ-ի հատուկ ծառայությունները գաղտնալսել են Ֆրանսիայի քաղաքացիներին, ինչպես նաև վերահսկել են նրանց էլեկտրոնային նամակագրությունը։
Օլանդն, իր հերթին, շեշտել է, որ նման մեթոդներն անընդունելի են երկու բարեկամ պետությունների միջև, և որ դրանք խախտում են Ֆրանսիայի քաղաքացիների անձնական կյանքի գատնիության իրավունքը։
ԱՄՆ պետքարտուղար Ջոն Քերին մեկնաբանելով այս սկանդալը, նշել է, որ այս գործողությունները միտված են ԱՄՆ քաղաքացիների անվտանգության ապահովմանը։
