ԱՄՆ նախագահ Բարաք Օբաման երկրի դեմոկրատական կուսակցության ներկայացուցիչների հետ հանդիպման ժամանակ հայտարարել է, որ Սպիտակ տունը պատրաստ է վերանայել Կուբայի նկատմամբ քաղաքականությունը, այդ թվում՝ տնտեսական էմբարգոն, որը գործում է ավելի քան 50 տարի:
Օբաման հայտարարել է, որ իրենք պետք է վերանայեն իրենց քաղաքականությունը, քանի որ այն այլևս էֆեկտիվ չէ: Նա նաև նշել է, որ մյուս կողմից՝ Կուբայում ևս պետք է ժողովրդավարական փոփոխություններ տեղի ունենան, որին կարող են հասնել տեղական ակտիվիստների միջոցով: «Եվ ԱՄՆ-ը պատրաստ է օգնել ազատության հաստատմանը Կուբայում»,- հավելել է ԱՄՆ նախագահը։
