 ԱՄՆ-ում զբոսաշրջիները կարող են և չհասկանալ, թե ինչպես է աշխատում դաշնային կառավարությունը, սակայն նրանք արդեն երեքշաբթի կհասկանան, թե ինչ է կատարվում, երբ այն չի աշխատում,- հաղորդում է Reuters-ը:ԱՄՆ կառավարությունը Կոնգրեսի պալատների միջև առկա տարաձայնությունների պատճառով 17 տարվա ընթացքւմ առաջին անգամ ստիպված եղավ մասնակիորեն դադարեցնել իր գործունեությունը:
Ավելին քան 800 հազար պետական ծառայողներ, ամենայն հավանականությամբ, կուղարկվեն չվճարվող արձակուրդի, բացի այդ, Նահանգներում էլ չեն լինի այս երկրին հատուկ որոշ առանձնահատկություններ:
Օրինակ՝ զբոսաշրջիկները, որոնք կուղևորվեն Սիոն Ազգային պարկ արշավի, ստիպված կլինեն լքել այն 48 ժամվա ընթացում: Այս պարկը, որտեղ բնակվոըմ են եղջերուներ, արջեր և պումաներ, տարեկան ունենում է մոտ 10հազար այցելու:
Բյուջեի չհաստատվելու հետևանքները կզգան նաև կենդանաբանական այգիներում գտնվող կենդանիները և դրանց այցելուները: «Չեն աշխատի նաև պանդաներին ցուցադրող տեսախցիկները»,- այսօր հայտարարել է Վաշինգտոնի Ազգային պարկի ներկայացուցիչը:
Բացի այդ, Աբրահամ Լինքոլնին մարմնավորող դերասանը, որը աշխատում է «Հորփերս-Ֆերի» Ազգային պատմական պարկում, նույնպես կկորցնի իր աշխատանքը այն դեպքում, եթե հանրապետականներն ու դեմոկրատները համաձայնության չգան մինչև հոկտեմբերի 5-ը: |
