Բոստոնի ներգաղթյալների հարցերով դատարանը որոշում է կայացրել՝ թույլատրել շուրջ 20 տարի ԱՄՆ-ում անօրինական բնակվող Օնյանգո Օբամային, ով ԱՄՆ գործող նախագահ Բարաք Օբամայի հորեղբայրն է, մնալ Միացյալ Նահանգներում։ Այս մասին հաղորդում է The Boston Globe-ը։
Դատավորը որոշել է, որ համաձայն օրենքի՝ բոլոր նրանք, ովքեր մինչև 1972 թվականը ժամանել են ԱՄՆ, կարող են ստանալ ԱՄՆ-ում մշտական բնակության իրավունք։ Դատարանին Օբամայի հորեղբայրն ասել է, որ ԱՄՆ-ում ինքը բնակվում է 1963 թվականից և միշտ վճարել է հարկերը։
Հիշեցնենք, որ Օնյանգո Օբաման ներգաղթյալների հարցով ծառայության ուշադրության կենտրոնում հայտնվել էր 2011 թվականին, երբ պարզել էր, որ նրա փաստաթղթերի հետ կապված կան խնդիրներ։ Օբամայի հորեղբորը սպառնում էր արտաքսում՝ կեցության կարգը խախտելու համար։
