Անդրանիկ Իսահակյանը facebook-ի իր էջում գրել է
Մեր պատգամավորները մեկը-մյուսից յաման դեմքեր են, բայց եթե մենք արդեն սովորել ենք, որ իշխանական ու իշանամետ կուսակցություններում դա բնականոն ա, ապա ընդդիմադիրների պարագայում ամեն ինչ այլ կերպ է: Ինձ հատկապես զարմացնում է զավեշտի հասնող այն ցինիզմը, որով ոմանք իրենց մատուցում են, որպես մոլի ընդդիմադիրներ, բայց իրենց ռեալ գործերով ոչնչով չեն տարբերվում նույն չսիրված իշխանական պատգամավորներից:
Ասածիս տիպիկ օրինակը Խաչատուր Քոքոբելյանն է, ով ինչպես գիտենք, սկզբում ՀԱԿ-ում էր, իսկ հետո կիսվեց ու հիմնեց իր՝ «Ազատ դեմոկրատներ» կուսակցությունը, որը վերջին քաղաքական իրադարձությունների ֆոնին հատկապես ակտիվացել է ու սուր պպոլեմիկա է վարում՝ ընդդեմ Մաքսային միությանն անդամակցելու:
Ուրեմն, մեր ազատ դեմոկրատ Քոքոբելյանը, բայց արևմտյան արժեքների տեր ու դեմոկրատ լինելուց զատ, նաև մի հոբբի ունի՝ ՀԷԿ-եր կառուցելը, ընդ որում, ՀԷԿ-երը կառուցվում են կոպիտ խախտումներով ու վնասում են բնությանը, բայց կարծես թե քոքոբելյանն այնքան ազատ է ու այնքան դեմոկրատ, որ նա թքած ունի, որ օրինակ իր «Խաչաղբյուր-2» ՀԷԿ-ը լուրջ բողոքի ալիք էր բարձրացրել Տավուշի մարզում, իսկ այն վաճառելուց հետո էլ, նորն է կառուցում՝ թվով երրորդը: Այն գտնվում է Պաղջուր գետի վրա՝ Գետահովիտ գյուղի մոտ, որի բնակիչները բողոքում են, որ Քոքոբելյանի ՀԷԿ-երի պատճառով, գետում համարյա ջուր չի մնացել, ձկների թիվն էլ կրճատվել է:
Ու հիմա հարց է ծագում, ի՞նչ սկզբունքային տարբերություն կա մարդկանց նկատմամբ դրսևորած վերաբերմունքի առումով այս դեպքն ու Փակ Շուկայի օրինակը համեմատելիս: Ըստ իս՝ ոչ մի, թերևս միայն մասշտաբները, մեկ էլ այն հանգամանքը, որ ի տարբերություն Քոքոբելյանի, Լֆիկը բնապահպանական խնդիրներ չի ստեղծում տվյալ դրվագում:
