ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, այսօր Քոչարյանի գործով դատական նիստից առաջ պատասխանեց լրագրողների հարցերին՝ կապված իր ընտանիքի ունեցվածքի հետ:
Անդրադառնալով համացանցում շրջանառվող գույքի ցանկին, որը, ըստ հրապարակումների, իրենց ընտանիքին է պատկանում, Քոչարյանն ասաց․ «Ինչ-որ մեծ ցուցակ ա կազմվել, իբր թե այդ ամենը պատկանում ա մեզ։ Էդ ցուցակների հետ մենք ընդհանրապես կապ չունենք»։
Լևոն Քոչարյանը ունեցվածքի կոնկրետ թիվ չհրապարակեց, ուղղակի պնդեց՝ այն, ինչ ունեն, ձեռք են բերել օրինական ճանապարհով, և որ այսօր ամեն ինչ արվում է, որպեսզի իրենց ընտանիքը վարկաբեկվի:
