«Արմենիա» ԲԿ-ի բժիշկներին իր երեխայի վաճառքի համար մեղադրող Հայկուհի Խաչատրյանն օրեր առաջ հայտարարել էր՝ երեխան ոչ թե մահացել է, այլ նրան գնել է երկար տարիներ երեխա չունեցող Արտաշատում կամ Աշտարակում բնակվող մի ընտանիք:
Քանի որ գործը քննում է ՀՀ քննչական կոմիտեն, պարզաբանման համար զանգահարեցինք Քննչական կոմիտեի մամուլի խոսնակ Նաիրա Հարությունյանին: Ի պատասխան՝ նա ասաց. «Քրեական գործի շրջանակներում դիակի դատաբժշկական փորձաքննություն է նշանակվել, հետևաբար՝ երեխայի ողջ լինելու մասին հայտարարությունները սուտ են»:
Մեզ դեռ չի հաջողվել կապ հաստատել և իր կատարած հայտարարության մասին մանրամասներ իմանալ երեխայի ծնողից՝ Հայկուհի Խաչատրյանից: Տեղեկացանք, որ տիկին Խաչատրյանն առողջական խնդիրների պատճառով բժշկական կենտրոններից մեկում է: Կապ հաստատելուն եւ տեղեկություն լսելուն պես այն կհրապարակենք:
Սոնա Դավթյան
