Արդարադատության նախարարության Քրեակատարողական ծառայությունը հայտարարում է երկու քրեակատարողական հիմնարկներում հոգեբանների թափուր հաստիքները համալրելու անհրաժեշտության մասին:
Այս մասին հայտնեում են ՀՀ արդարադատության նախարարության տեղեկատվության և հասարակայնության հետ կապերի վարչությունից:
Մասնավորապես, հոգեբանի մեկ թափուր հաստիք է առկա «Գորիս» ՔԿՀ-ում և երկու հաստիք՝ «Արմավիր» քրեակատարողական հիմնարկում:
Նշված հաստիքները զբաղեցնելու համար անհրաժեշտ է հոգեբանություն մասնագիտությամբ բարձրագույն կրթություն և համապատասխան մասնագիտական աշխատանքային ստաժ։ Աշխատավարձը «Գորիս» ՔԿՀ-ում առկա առաջատար մասնագետի հաստիքի համար (ամսական միանվագ դրամական պարգևատրումով) կազմում է 178 հազար 750 դրամ, իսկ «Արմավիր» ՔԿՀ-ի գլխավոր մասնագետների հաստիքի համար՝ 206 հազար 210 դրամ։
Լրացուցիչ տեղեկություններ ստանալու համար ցանկացողները կարող են դիմել
ՀՀ արդարադատության նախարարության քրեակատարողական ծառայության Կադրերի և անձնակազմի հետ տարվող աշխատանքների բաժին՝ ք. Երևան, Արշակունյաց 63, հեռ. 060 37 37 55։
