Քաղաքագետ, Կովկասի ինստիտուտի տնօրեն Ալեքսանդր Իսկանդարյանը կարծում է, որ քիչ հավանական է, որ առաջիկայում Ուկրաինան դուրս գա ճգնաժամից:
«Այն, թե ինչ ավարտ կունենա կամ չի ունենա ուկրաինական ճգնաժամը, հնարավոր է, ոչ ուղղակի ազդեցություն ունենա նաև Հայաստանի վրա: Բայց շատ ավելի կարևոր է այն, ինչ կհաջորդի դրան: Այս ճգնաժամն ուղղակիորեն ազդում է Արևմուտք -Ռուսաստան հարաբերությունների վրա, ինչպես նաև Ռուսաստանի` տարածաշրջանում զբաղեցրած դիրքի վրա»,- ասաց նա` լրագրողների հետ հանդիպմանը:
Քաղաքագետի կարծիքով` Մինսկում տեղի ունեցած հանդիպումը ևս ոչ մի արդյունք չտվեց:
«Ես չեմ կարծում , որ ՆԱՏՕ-ի հանդիպումն այդ իմաստով ինչ-որ բանի կհանգեցնի, և ճգնաժամը դեռևս, ցավոք, շարունակվում է: Ես չեմ կարծում, որ մոտակա օրերին այս հարցում կարելի է հանգել ինչ-որ համաձայնության: Ես տեսնում եմ, որ Եվրամիությունում բավական լուրջ դիմադրություններ կան սանկցիաների ներդրման հետ կապված»,- հավելեց քաղաքագետը:
