Ճանաչված հոլիվուդյան դերասանուհի Անջելինա Ջոլին կտրականապես դեմ է, որ իր նախկին ամուսինը՝ Բրեդ Փիթը, շարունակի մտերմությունը Քարդաշյան ընտանիքի հետ։ Այս մասին radaronline.com-ի տեղեկությունը փոխանցում է armeniasputnik.am-ը:
Աղբյուրը հայտնում է, որ Ջոլիին դուր չի գալիս, որ իր երեխաներն այդ ընտանիքի հետ որևէ կապ ունենան։ Ջոլին նույնիսկ ամուսնու առջև հարց է դրել՝ կամ Քարդաշյանների ընտանիքը, կամ իր երեխաները:
«Բրեդն իրավունք ունի ընտրել`ում հետ ընկերություն անի, սակայն նա գիտի, որ Անջելինային չլսելու դեպքում խնդիրների առաջ կկանգնի»,-հաղորդովում է հրապարակման մեջ։
Հիշեցնենք, որ Ջոլին ապահարզանի համար դիմել է 2016-ի սեպտեմբերին, իսկ բաժանման պատճառ է դարձել ընտանիքում ծագած վեճը, որի ժամանակ դերասանը հարվածել էր ավագ որդուն։
