«Քարդաշյան ընտանիք» ռեալիթի շոուի մասնակից և ձեռնարկատեր Քիմ Քարդաշյան -Ուեսթը Հելոուինի համար իր մեծ աղջկան՝ Նորթ Ուեսթին մեկ ուսը բաց շոր է հագցրել՝ հակառակ իր ամուսնու` Քանյե Ուեսթի ցանկությանը՝ երեխային տեսնել ավելի համեստ հագուկապի մեջ:
Քարդաշյանը Instagram- ի իր էջում տեղադրել է դստեր և նրա ընկերուհիների լուսանկարը:
Նկարում վեցամյա աղջնակը մազերին նաև սև ժապավեն է կրում, վզկապ հիշեցնող վզնոց, նուրբ բալետային կոշիկներ: Ձեռքին արհեստական գիպսե վիրակապ է:
Քիմ Քարդաշյանը լուսանկարում նշել է այն ապրանքանիշերը, որոնք երեխաները կրում են ՝ Givenchy, Prada և Dolce & Gabbana: Այնուամենայնիվ, Նորթը շպարված է, ինչին դեմ է Քանյե Ուեսթը:
