ԱՄՆ պետքարտուղար Ջոն Քերին հայտարարել է, որ Միացյալ Նահանգներն այս պահին քննարկում են Ուկրաինային մեկ միլիարդ դոլարի օգնություն ցուցաբերելու հարցը։ Նա նշել է, որ օգնությունը լինելու է ուղիղ, այսինքն ԱՄՆ բյուջեից այն անմիջապես կփոխանցվի Կիևին։ Քերին հայտարարել է, որ օգնության ցուցաբերումը պետք է լինի արագ, թեպետ պաշտոնական Կիևն իր հերթին պետք է արագ սկսի բարեփոխումների իրականացումը, պայքարի կոռուպցիայի դեմ, կազմակերպի ազատ և արդար ընտրություններ։
Նա նաև զգուշացրել է Ռուսաստանին, որ նրա համար «մեծ և լուրջ սխալ կլինի», եթե միջամտի և ռազմական ներխուժում իրականացնի Ուկրաինայում։ Նա հիշեցրել է, որ «Ռուսաստանը շատ հաճախ է հանդես եկել Սիրիա, Լիբիա և այլ երկրներ ռազմական միջամտությամբ»։ Նա անթույլատրելի է համարել ցանկացած տեսակի ռազմական միջամտություն և Ուկրաինայի տարածքային ամբողջականության խաթարումը։
