ԱՄՆ պետքարտուղար Ջոն Քերին հայտարարել է, որ Իրանի հետ բանակցությունները կարող են տապալվել, եթե ԱՄՆ-ն հերթական պատժամիջոցները մտցնի Իսլամական Հանրապետության դեմ։ Այս մասին հաղորդում է Reuters գործակալությունը։
«Կա վտանգ, որ եթե Կոնգրեսը միակողմանի ուժեղացնի պատժամիջոցներն Իրանի դեմ, ապա դա կարող է խափանել բանակցութոյւնները և, ի վերջո, կանգնեցնել և դադարեցնել դրանք», — ասել է Քերին սենատորների հետ հանդիպման ժամանակ։
