Քաղաքապետարանը օգոստոսին «Սանիթեքին» վճարել է 165 մլն դրամ, քաղաքապետարանի դիմաց «Սանիթեքի» աշխատակիցների բողոքի ցույցին հայտարարեց քաղաքապետարանի մամուլի խոսնակ Հակոբ Կարապետյանը:
«Օգոստոս ամսվա աշխատավարձային պարտավորությունը կազմում է 132 մլն դրամ, այսինքն՝ վճարված 165 մլն դրամը առավել քան բավարար է «Սանիթեքին»՝ աշխատավարձը բաժանելու համար, սա ֆիքսում ենք»,- ասաց Կարապետյանը:
Կարապետյանը կրկնեց, որ բավական չափով գումար վճարվել է «Սանիթեքին»՝ աշխատավարձերը վճարելու համար՝ հավելելով, որ քաղաքապետարանը փնտրում է տարբերակներ՝ այս հարցը հօգուտ քաղաքացիների լուծելու համար:
