Փարիզում և Նյու Յորքում սիրո պատմությունների մասին պատմող հայտնի «Փարիզ, ես քեզ սիրում եմ» և «Նյու Յորք, ես քեզ սիրում եմ» ֆիլմերի պրոդուսեր Էմանուել Բենբին ձեռնամուխ կլինի Թբիլիսիի մասին պատմող ֆիլմի ստեղծմանը,,- հայտնում է argumenti.ru-ն:
Հաղորդվում է, որ ֆիլմը կկոչվի «Թբիլիսի, ես քեզ սիրում եմ» և կազմված կլինի ինը նովելներից: Սրանով Թբիլիսին «Սիրո քաղաքների» ցուցակում կընդգրկվի:
Սակայն ֆիլմի մաս կազմող նովելների ռեժիսորները վրացիներ կլինեն:
Նշենք, որ Թբիլիսիի մասին պատմող ֆիլմի մասին հայտնի էր դարձել դեռ 2012-ին, սակայն ֆիլմի ստեղծման մասին մանրամասներ հայտնի են դարձել միայն այժմ:
