Մոտ քսան փախստականներ չոր հացադուլ են սկսել Բեռլինի կենտրոնում գտնվող Փարիզի հրապարակում՝ Բրանդենբուրգյան դարպասների մոտ: Նրանց նպատակն է իշխանության ուշադրությունը հրավիրել իրենց խնդիրներին: Նրանք նաև հանդիպում են պահանջում Գերմանիայի իշխանության ներկայացուցիչների հետ:
Հացադուլավորների թվում կան փախստականներ մի շարք երկրներից՝ Աֆղանստանից, Իրաքից, աֆրիկյան երկրներից: Ըստ նրանց՝ իրենք երկար ժամանակ միգրացիոն գերատեսչություններից չեն կարողանում ստանալ կացության իրավունք: Որոշ փախստականների կացության իրավունքի դիմումները տարիներով անպատասխան են մնում:
