Ուկրաինայի ոստիկանությունը նախօրեին տարածել է հաղորդագրություն, որում ասվում է այսօր Կիևում նախատեսվող սադրանքի մասին։ Ըստ ոստիկանության հաղորդագրության՝ Մայդանում եվրաինտեգրման գործընթացը պաշտպանող ցուցարարները պատրաստվում են գրոհել երկրի կառավարության շենքը։
Ոստիկանությունը կոչ է արել բողոքի ցույցի մասնակիցներին՝ չտրվել սադրանքների և հիշեցրել, որ օրենքը խախտելու դեպքում սահմանված է վարչական և քրեական պատասխանատվություն։ Կազմակերպվող հարձակման մասին գրում են ինչպես մամուլը, այնպես էլ սոցիալական ցանցերի օգտատերերը։
