Վրաստանի վարչապետ Գեորգի Գախարիան հայտարարել է, որ երկրում ցույցերն ու անկարգությունները խոչընդոտում են տնտեսական զարգացմանը: Այս մասին հաղորդում է mamul.am-ը:
«Բազմիցս հայտարարել ենք, որ առաջիկա տարիներին մեր ամենամեծ մարտահրավերն ու նպատակը լինելու են տնտեսական աճն ու աշխատատեղերը: Այն ամենը, ինչ տեղի է ունենում մեր հասարակական և քաղաքական կյանքում, երբ ձեռք է բերում ապակայունացնող առանձնահատկություններ, ազդում է մեր տնտեսական կյանքի վրա»,- հայտարարել է Գախարիան՝ մեջբերում է ТАСС գործակալությունը:
Ըստ նրա, ընդդիմությունը մեղավոր է Վրաստանում տեղի ունեցող անկարգությունների համար, իսկ նրա առաջնորդները «անպատասխանատու գործիչներ» են:
