Ամերիկյան Target առեւտրի ցանցը հայտարարել է, որ ցանցահեններին հաջողվել է հափշտակել ոչ միայն իր հաճախորդների կրեդիտ քարտերի համարներն ու տվյալները, այլ նաև գաղտնի կոդերը։ Այս մասին հաղորդում է ITAR-TASS գործակալությունը։
«Գաղտնի կոդերը գողացվել են շիֆրերի տեսքով, ինչը նշանակում է, որ հաճախորդների բանկային հաշիվներին վտանգ չի սպառնում»,- ասվում է հայտարարության մեջ։ Նշվում է, որ գողացվել են հաճախորդների անունները, քարտերի ժամկետները, քարտերի մյուս կողմում նշվող անվտանգության կոդերը։ Ընդհանուր առմամբ, ցանցահենների ձեռքում հայտնվել է 40 մլն մարդու տվյալներ, ովքեր գնումներ են կատարել նոյեմբերի 27-ից մինչև դեկտեմբերի 15-ը։
