Ուկրաինայի նախագահի պաշտոնակատար Ալեքսանդր Տուրչինովը հայտարարել է, որ երկրում իրականացվելու են «հակաահաբեկչական գործողություններ» բոլոր նրանց նկատմամբ, ովքեր զենք են վերցրել: Այս հայտարարությունը նա արել է այն բանից հետո, երբ արևելյան մի շարք շրջաններում զինված մարդիկ գրավել են շրջանային խորհուրդների շենքերը, իսկ Դոնեցկում հռչակվել է Դոնեցկի ժողովրդական հանրապետություն: Այս մասին հաղորդում է UNIAN-ը:
«Այս գիշեր ստեղծվել է հակաժգնաժամային շտաբ: Ուժեղացվել է արևելյան սահմանի պաշտպանությունը», — նշել է նա: Տուրչինովը հայտարարել է, որ ապրիլի ութին Ռադան քննարկելու է անջատողականության համար քրեական պատասխանատվության խստացման հարցը:
Տուրչինովի խոսքերով` Ուկրաինայում սկսվել է ռուսական միջամտության երկրորդ ալիքը, երբ փորձ է արվում ապակայունացնել արևելքը, խափանել ընտրությունները` միաժամանակ զորք կուտակելով սահմանների մոտ:
