Տոկիոյում տեղի ունեցած ուժեղ երկրաշարժից հետո, որի ուժգնությունը էպիկենտրոնում կազմել է 6.0 մագնիտուդ, առնվազն 17 մարդ է վիրավորվել և ստացել տարբեր աստիճանի մարմնական վնասվածքներ։ Այս մասին հաղորդում է BBC-ն։
Ճապոնիայի օդերևութաբանական գործակալության տեղեկություններով՝ ցնցումները գրանցվել են տեղի ժամանակով 05։18-ին (Երևանի ժամանակով 00։18-ին) Իձուսիոմա կղզու մոտ։ Ցնցումն այնքան ուժեղ է եղել, որ Տոկիոյի որոշ շրջաններում խուճապ է սկսվել։ Տուժածների մեծ մասը վիրավորվել է անվտանգ վայրեր փնտրելիս։
Ցունամիի վտանգի մասին չի հաղորդվել։
