Հունաստանում կոշտ տնտեսական միջոցառումների հետևանքով փակվել է Աթենքի ամենահին համալսարանը և յոթ այլ ուսումնական հաստատություններ:
Համալսարանի ղեկավարությունը հայտնել է, որ աշխատակազմի խիստ կրճատումներից հետո ուսումնական հաստատությունը պարզապես չի կարող գործել: Ութ ուսումնական հաստատությունների փակման պատճառով Աթենքում բողոքի ցույցեր են: Ցուցարարների շարքերում են բազմաթիվ վարչական աշխատողներ, ովքեր ամենաշատն են տուժել կրճատումներից, ինչպես նաև ուսանողներ, ովքեր ընդունվել են ուսումնական հաստատություններ, բայց դրանց փակվելու պատճառով դուրս են մնացել ուսումական ծրագրից:
