Շատերը գիտեն, որ տղա երեխաները սովորաբար ավելի ուշ են սկսում խոսել, քան աղջիկները: Բացի այդ, տղաների մոտ հաճախ նկատվում է խոսքի խախտումներ, նրանք ավելի շատ են տառապում աուտիզմից կամ դիսլեքսիայից, քան աղջիկները:
Նորվեգացի գիտնականները պարզել են, որ պատճառը հղիության ժամանակ տեստոստերոն հորմոնի ազդեցությունն է պտուղի վրա: Գիտնականներն ուսումնասիրել են մեծ թվով երեխաներ` սկսած նրանց ծնունդից մինչև 5 տարեկան: Այս մասին հաղորդում է International Journal of Language & Communication գիտական ամսագիրը:
Սակայն միայն սեռը չէ, որ ազդում է երեխայի խոսքի զարգացման վրա: Դրա համար կան նաև այլ գործոններ, ինչպիսիք են գենետիկ հակվածություններն ու վաղ տարիքում զարգացման պակասը:
