Տղամարդու և կանանց նեյրոնային ցանցերը տարբերվում են։ Այսպիսի եզրակացության են հանգել ամերիկացի գիտնականները, որոնց եզրակացությունները տպված են PNAS ամսագրում։
Նրանք պարզել են, որ տղամարդու ուղեղում նեյրոնային ցանցերն այնպես են դասավորված, որ դա թույլ է տալիս ավելի հեշտ ընկալել շրջապատում տեղի ունեցողը և համակարգել գործողությունները։
Կանանց ուղեղում նեյրոնների ցանցերը գտնվում են աջ և ձախ կիսագնդերի մեջտեղում, ինչը թույլ է տալիս զարգացնել ինտուիցիան և վերլուծական գործողությունները։
Գիտնականները եզրակացնում են, որ այս ուսումնասիրությունը ապացուցում է, որ կանայք և տղամարդիկ միևնույն իրավիճակում տարբեր կերպ են գործում՝ հաշվի առնելով նեյրոնային ցանցերի դասավորվածությունը։
