Ուկրաինայի նախկին վարչապետ Յուլիա Տիմոշենկոն հայտարարել է, որ անհրաժեշտ է պաշտոնանկ անել երկրի գործող նախագահ Վիկտոր Յանկուվիչին, եթե վերջինը որոշի շեղվել եվրաինտեգրման ճանապարհից: Այս մասին հաղորդում են ուկրաինական լրատվամիջոցները:
Նա ասել է, որ երկրում հաստատվում է բռնապետություն, և անհրաժեշտ է ավելի համախմբված և ուժեղ լինել. «Սպասել, որ բռնապետությունն ինքնակամ ազատություն կտրամադրի՝ միամիտ և վտանգավոր բան է: Մի սպասեք, հույս մի՛ ունեցեք և մի՛ խնդրեք, գործե՛ք և հաղթե՛ք»:
Տիմոշենկոն նաև նշել է, որ անհրաժեշտ է իշխանություններին ստիպել ԵՄ հետ ստորագրել ասոցացման մասին համաձայնագիր այս տարվա նոյեմբերի 29-ին Վիլնյուսում, այլապես նրանք դա չեն անելու: Տիմոշենկոն կոչ է արել՝ ամեն օր ավելացնել Ճնշումը Յանուկովիչի վրա:
