Տիգրան Պետրոսյանը՝ Եվրոպայի բրոնզե մեդալակիր

Վարշավայում ավարտվել է Եվրոպայի շախմատի առաջնությունը, որին մասնակցել է ավելի քան 700 շախմատիստ։

Ինչպես տեղեկացնում է Armchess.am-ը, Եվրոպայի չեմպիոն է հռչակվել հունգարացի Ռիչարդ Ռապոպորտը։ Նա վաստակել է 9.5 միավոր։ Նույնքան միավոր են վաստակել Վլադիմիր Մալախովն ու հայաստանցի Տիգրան Պետրոսյանը, սակայն լրացուցիչ միավորներով նրանք զբաղեցրել են համապատասխանաբար 2-րդ և երրորդ հորիզոնականները։

Հայաստանը ներկայացնող Գաբրիել Սարգսյանը 8.5 միավորով 12-րդն է, Զավեն Անդրիասյանը՝ 26-րդը, Կարեն Գրիգորյանը՝ 30-րդը։