Վրաստանի իշխող «Վրացական երազանք» կոալիցիայի քաղխորհրդի նիստից հետո մասնակիցները չեն հայտնել, թե ով է լինելու երկրի հաջորդ վարչապետը, քանի որ գործող վարչապետ Բիձինա Իվանիշվիլին պատրաստվում է հրաժարական տալ:
Լրատվամիջոցները հաղորդում են, որ քաղխորհուրդը միաձայն հաստատել է Իվանիշվիլու ներկայացրած թեկնածուին: Խորհրդի անդամներն ասել են, որ նոր վարչապետը ներկայացնում է ներկայիս կառավարությունը: Լրատվամիջոցները պարզել են, որ ամենայն հավանականությամբ, կառավարությունը նոյեմբերի վերջից ղեկավարելու է ներքին գործերի նախարար Իրակլի Ղարիբաշվիլին:
