 Վրաստանի վարչապետ Բիձինա Իվանիշվիլին սեպտեմբերի 30-ին հայտարարել է մասնավոր ներդրումային հիմնադրամի ստեղծման մասին, որը կունենա 6 միլիարդ ԱՄՆ դոլար ներդրումային կապիտալ: Ֆոնդի գործունեությունը հիմնականում ուղղված կլինի էներգետիկայի, արդյունաբերության, զբոսաշրջության և գյուղատնտեսության ոլորտներին,- հաղորդում է civil.ge-ն:
Հատկանշական է, որ առաջին խոշոր ներդրումը հենց Իվանիշվիլին է կկատարի՝ փոխանցելով հիմնադրամի հաշվին 1 մլրդ ԱՄՆ դոլար:
Մյուս ներդրողների ցանկում են Բադրի Պատարցակաշվիլիի ժառանգները, թուրքական Chalik holding-ը, Բաթումի արդյունաբերական հոլդինգը, որը ղեկավարում է Բաթումի նավահանգստի աշխատանքները, Ադրբեջանի նավթային պետական հիմնադրամը, Milestone International Holdings Group Limited-ը և այլ ընկերություններ: |
