Վրաստանում ձերբակալվել են ռադիոակտիվ նյութերի վաճառք իրականացնող երկու քաղաքացի

Վրաստանի ոստիկանությունը ձերբակալել է հանրապետության երկու քաղաքացիների, ում մոտ հայտնաբերվել է ռադիոակտիվ ռադիում-226 նյութ։ Այս մասին ասվում է Վրաստանի ոստիկանության տարածած հաղորդագրությունում։

Նույն գերատեսչության հաղորդած տվյալների համաձայն՝ ռադիոակտիվ նյութը հայտնաբերվել է նրանց բնակարաններից մեկում։ Ոստիկանությունում նշում են, որ ձերբակալվածները պատրաստվում էին վաճառել այդ նյութը։ Մեղքը հաստատվելու դեպքում նրանց սպառնում է 5-10 տարի ազատազրկում։