Վրաստանի առողջապահության նախարար Եկատերինա Տիկարաձեն հայտարարել է, որ իր օգնականը կորոնավիրուսի պատճառով մեկուսացված է: Նախարարը հայտնել է, որ ձեռնարկվել են անհրաժեշտ միջոցառումները, հավաստիացրել է, որ իր օգնականն արդեն մեկ շաբաթ է, ինչ չի եղել նախարարությունում:
«Իմ օգնականն ինքնամեկուսացվել էր, երբ իր կնոջ մոտ կորոնավիրուս հայտնաբերեցին, հետևաբար, վարակի տարածման ռիսկը ցածր էր: Այդուամենայնիվ, մենք կանխարգելիչ քայլեր ձեռնարկեցինք՝ թեստավորեցինք նրան, պատասխանը բացասական էր»,- հայտարարել է Տիկարաձեն:
Վրաստանում կորոնավիրուսի հաստատված դեպքերի քանակը հասել է 25-ի:
