Վրաստանի նոր նախագահ Գեորգի Մարգվելաշվիլին հրաժարվել է տեղափոխվել հայկական Հավլաբար թաղամասում Միխեիլ Սաակաշվիլու կողմից կառուցված նախագահական նստավայր։ Այս մասին հաղորդում է Interfax գործակալությունը։
Խորհրդարանական մեծամասնության ղեկավար Դավիդ Սաղանելիձեն այսօր ասել է, որ նախագահական նստավայրը հանձնվելու է Վրաստանի տեխնոլոգիական համալսարանին։ Հիշեցնենք, որ այդ նստավայրի կառուցումն արժեցել է 200 մլն դոլար։
Մարգվելաշվիլին աշխատելու է պետական կառավարական մասնաշենքերից մեկում, մինչև որ կավարտվի Թբիլիսիի Ատնելի փողոցում գտնվող հին շինության վերականգնումը, որտեղ նախկինում եղել է ԱՄՆ-ի դեսպանատունը։
