Վրաստանում ազգային անվտանգության քարտուղարի պաշտոնը կարող է ստանձնել կին թեկնածուն: Խորհրդարանական մեծամասնության առաջնորդ Դավիդ Սաղանելիձեն ասել է, որ Իրինա Իմերիշվիլին փորձառու է և համապատասխանում է այս պաշտոնին: Այս մասին գրում է Apsny.ge-ն:
Ըստ Սաղանելիձեի` Իրինա Իմերիշվիլու պաշտոնում նրա նշանակումն իդելական կլինի. «Ես չեմ կարող ո՛չ հաստատել, ո՛չ հերքել այդ տեղեկութոյւնը, սակայն եթե նման հարց դրվի, ես կողջունեմ դա: Նա գերազանց մարդ է, շատ լավ մասնագետ, Վրաստանի արդարադատության ոլորտի միակ կին գեներալն է: Կարծում եմ, որ նրա թեկնածությունը շատ լավն է: Ես նրան ոչ թե մեկ, այլ երկու ձեռքով եմ աջակցություն հայտնում»,- ասել է Դավիդ Սաղանելիձեն:
