Վրաստանում սկսվել է կորոնավիրուսի տարածման պիկը: Այս մասին հայտարարել է Վրաստանի Հիվանդությունների վերահսկողության կենտրոնի փոխտնօրեն Պաատա Իմնաձեն: Նա նաև հեգնանքով ներողություն է խնդրել նրանցից, ովքեր սպասում էին, որ վարակակիրների թիվն աճելու է հազարներով:
Ըստ վերջին տվյալների՝ Վրաստանում կորոնավիրուսով վարակվածների թիվն ավելացել է 10-ով ու կազմել 496: Նրանցից 149-ն ապաքինվել են, 6-ը՝ մահացել: Վրաստանի երկու քաղաքացու մահ է գրանցվել Նյու Յորքում և Լատվիայում:
