«Մենք ձգտում ենք ավելի կառուցողական հարաբերություններ հաստատել Ռուսաստանի հետ: Այդ պատճառով էլ Մոսկվայի համար բաց ենք պահում մեր դիվանագիտական կապուղիները»: Այս մասին ԱՄՆ կատարած այցի ժամանակ հայտարարել է ՆԱՏՕ-ի գլխավոր քարտուղար Ենս Ստոլտենբերգը:
Foreign Policy հանդեսի կազմակերպած միջոցառման շրջանակում ունեցած իր ելույթում Հյուսիսատլանտյան դաշինքի ղեկավարն ընդգծել է, որ իրենք կարևորում են վստահության վերականգնումը:
Ստոլտենբերգի համոզմամբ, դիվանագիտական ջանքերը կարող են արդյունավետ լինել միայն այն դեպքում, եթե ՆԱՏՕ-ի՝ Ռուսաստանի հետ փոխգործակցությունը լինի հուսալի զսպման և պաշտպանության դիրքերից:
