Հոլիվուդում նոր սկանդալ է հասունանում: Հայտնի կինոռեժիսոր Վուդի Ալենի նախկին կինը` դերասանուհի Միա Ֆերոուն հայտարարել է, որ իրենց համատեղ որդին, հնարավոր է, աշխարհահռչակ երգիչ Ֆրենկ Սինատրայից է: Այս մասին գրում է The Guardian-ը` նշելով, որ 25-ամյա Ռոնան Ֆերոուն իրոք շատ նման է Սինատրային:
Միա Ֆերոուն այս բացահայտումն արել է Vanity Fair-ին տված հարցազրույցում, որը շուտով լույս կտեսնի: Բացի այդ, պարզվել է, որ Վուդի Ալենի և Միա Ֆերոուի որդեգրված դուտրը կրկին պնդում է, որ խորթ հայրը սեռական ոտնձգության փորձ է արել, երբ Դիլանը եղել է 8 տարեկան: Ավելի վաղ այս հայտարարությունը դարձել էր ոստիկանության քննության առարկա, սակայն ռեժիսորի մեղավորության ապացույցներ չէին հայտնաբերվել:
