Վոլգոգրադի Առողջապահության նախարարությունը հրապարակել է երկաթուղային կայարանում տեղի ունեցած ահաբեկչության զոհերի նախնական ցուցակը: Համապատասխան փաստաթուղթը տեղակայվել է նահանգապետի և շրջանի կառավարության կայքում:
Առողջապահության նախարարությունում մանրամասնել են, որ 36 տուժողների թվում կան Վոլգոգրադի, Մոսկվայի, Իվանովի շրջանի, Ուդմուրտիայի բնակիչներ և Հայաստանի քաղաքացի երկու կանայք` 33-ամյա Նինա Հարությունյանը և 1978թ-ին ծնված Սուսաննա Գրիգորյանը: Զոհվածների վերջնական ցուցակը դեռ չի հրապարակվել:
Ավելի վաղ հաղորդվում էր 33 տուժածների մասին, որոնցից ութը ծանր վիճակում են գտնվում:
