Գերմանական Գելզենկիրխենի ամենագլխավոր թիմի` «Շալկե 04»-ի նախագահ Կլեմենս Թենիսը հայտարարել է, որ հարձակվողական ոճի կիսապաշտպան Քևին Փրինս Բոատենգի տեղափոխությունն իտալական «Միլանից» հավանության է արժանացել Ռուսաստանի նախագահ Վլադիմիր Պուտինի կողմից:
«Մենք հանդիպել ենք Կրասնոդարում և քննարկել ենք Սոչիում Օլիմպիական խաղերի հետ կապված թեմաներ, ինչպես նաև անդրադարձել ենք «Շալկեին»: Վլադիմիր Պուտինը գովեց մեզ Բոատենգի տրանսֆերի համար», — ասել է Թենիսը: Այս մասին հաղորդում է Bild-ը:
Հիշեցնենք, որ գերմանական թիմի հովանավորը ռուսական գազային հսկա «Գազպրոմն» է:
