Հայտնի դիզայներ Վիվյեն Վեսթվուդը հանդես է եկել Ռուսաստանում ձերբակալված Greenpeace շարժման անդամներին աջակցության խոսքով, իսկ նախագահ Վլադիմիր Պուտինին հրեշ է անվանել: Այս մասին հաղորդում է Reuters գործակալությունը:
Նա մասնակցել է բնապահպանական այս շարժման մասնակիցների ակցիային, որը կայացել է Լոնդոնում, ուր Վեսթվուդը Greenpeace-ի դրոշ է կախել Shell ընկերության գրասենյակի մոտ:
«Ես կցանկանայի ինչ-որ բան անել Պուտինի հետ: Կցանկանայի խոսել նրա հետ: Նա հրեշ է, ես նրան ասելու բան ունեմ` մի շատ լավ բան, սակայն դա երկար բացատրելու խնդիր է: Ամեն դեպքում, նա մաչո է, ով մեկ այլ մաչոյի հետ պայքարում քանդում է այս աշխարհը», — ասել է Վեսթվուդը:
