«Վեցյակի» և Իրանի միջև բանակցություններում, որոնց ժամանակ քննարկվում է Իրանի միջուկային ծրագրի հարցը, առաջընթաց է նկատվում։
Ժնևում ընթացող բանակցությունների վերաբերյալ կարծիք է հայտնել ԱՄՆ պետքարտուղարության պաշտոնական ներկայացուցիչ Ջեն Փսակին։ Նա հավաստիացրել է, որ Միացյալ Նահանգներն ամեն ջանք ներդնում են, որպեսզի Իրանի հետ միջանկյալ փաստաթուղթ ստորագրվի։
Հիշեցնենք, որ կողմերը մոտ էին նման փաստաթղթի տորագրմանը ամսվա սկզբին Վիեննայում կայացած բանակցությունների ժամանակ, սակայն ձևակերպումների վերաբերյալ գոյություն ունեցող հակասությունները թույլ չեն տվել ստորագրել այն։
