Այսօր՝ սեպտեմբերի 27-ին, ժամը 18.00-ին, ՀՀ Վերաքննիչ դատարանի դիմաց (Գարեգին Նժդեհի փող., 23 շենք), դատական նիստի ավարտից անմիջապես հետո տեղի կունենա ֆինանսների նախկին նախարար Գագիկ Խաչատրյանի փաստաբանական խմբի ճեպազրույցը։
Հիշեցնենք, որ Գագիկ Խաչատրյանը մեղադրվում է պաշտոնեական դիրքի չարաշահման եւ առանձնապես խոշոր չափով վատնում կատարելու համար: Իսկ Կարեն Խաչատրյանը՝ առանձնապես խոշոր չափով վատնում կատարելու համար։ Ազգային անվտանգության ծառայությունը Խաչատրյանին, ինչպես նաեւ նրա եղբորորդուն ձերբակալել էր օգոստոսի 27-ի երեկոյան: Նույն օրն ավելի վաղ Խաչատրյաններին պատկանող տարածքներում խուզարկություններ էին կատարվել:
