Թմրանյութեր վաճառող առցանց խոշորագույն Silk Road խանութը, որը փակվել էր դրա հիմնադիր 29-ամյա Ռոս Ուիլյամ Ուլբրիխտի ձերբակալությունից հետո, կրկին սկսել է գործել։ Այս մասին գրում է Forbes-ը։
Նոր կայքը կրում է Silk Road 2.0 անվանումը, այն գործում է նոյմբերի 5-ից։ Հաղորդվում է, որ նոր կայքի նոր ադմինը կրում է նախորդ կայքի ադմինի անունը՝ Dread Pirate Roberts։ Ավելի վաղ Silk Road-ի հիմնադիրների և սեփականատերերին մեղադրել էին պատվիրված սպանություն կազմակերպելու մեջ։
