Երեկվա դրությամբ, ըստ Վենեսուելայի նախագահ Նիկոլաս Մադուրոյի, Վենեսուելայում ցուցարարների և կառավարական ուժերի միջև բախումների հետևանքով զոհերի թիվը հասել է 50-ի։ Վերջին երկու շաբաթվա ընթացքում իրավիճակի սրման և զոհերի պատասխանատվությունը Մադուրոն դրել է ընդդիմության վրա։
Նա նշել է, որ ընդդիմության կառուցած բարիկադների հետևանքով բժիշկներին չի հաջողվում անհրաժեշտ օգնություն ցուցաբերել վիրավորներին և դրա կարիքն ունեցողներին։ Մադուրոն մանրամասնել է, որ զոհերից 30-ը մահացել են սրտի կաթվածից և ասթմայից։ Նա բացատրել է, որ ընդդիմադիրներն այրում են անիվներ, ինչն առաջացնում է ուժեղ ծուխ և խնդիրներ է առաջացնում շնչառական հիվանդություններ ունեցողների մոտ։
