Վենեսուելայի արտաքին գործերի նախարար Էլիաս Խաուան հայտարարել է, որ իր երկրի տարածքում ռուսական բազաների տեղակայումը հնարավոր չէ։ Այս մասին հաղորդում է RIA-Novosti գործակալությունը։
«Մենք մեր սահմանադրությանը համապատասխան չենք կարող թույլատրել օտարերկրյա ռազմական բազաների առկայություն մեր տարածքում»,- ասել է նախարարը։
Ավելի վաղ օտարերկրյա պետություններում ռուսական ռազմական բազաների տեղակայման մասին էր հայտարարել ՌԴ պաշտպանության նախարար Սերգեյ Շոյգուն։ Նա ասել էր, որ նման հնարավորույուններ կան Վիետնամում, Կուբայում, Վենեսուելայում, Նիկարագուայում, Սեյշելյան կղզիներում և Սինգապուրում, որոնց հետ բանակցություններ են վարվում։
