Ցանկացած պահի վարչապետը կարող է ինձ հրավիրել, ասել, որ մենք միասին աշխատել չենք կարող, ես նույն պահին դուրս կգամ: Այս մասին լրագրողների հետ զրույցում ասաց Հանրային խորհրդի նախագահ Վազգեն Մանուկյանը՝ խոսելով իր հրաժարականի շուրջ հայտարարությունների մասին։
Մանուկյանի խոսքով՝ ինքը պատրաստ է հրաժարվել պաշտոնից՝ մոռանալով ժամկետների մասին։
«Բայց քանի որ նման հարց է առաջացել, ես կարող է ինքս նախաձեռնեմ, հանդիպեմ վարչապետին, միասին քննարկենք, թե մեր հետագա գործունեությունն իմաստ ունի, թե ոչ»,- նշեց նա։
Հիշեցնենք, որ պատգամավոր Արման Բաբաջանյանը դիմել էր ՀՀ վարչապետին՝ Վազգեն Մանուկյանին Հանրային խորհրդի նախագահի պաշտոնից ազատելու համար։
