ՀՀ վարչապետ Նիկոլ Փաշինյանն այսօր կառավարության նիստում խոսեց հողերի մասին: Նա ասաց, որ ՀՀ-ում այսօր կան չօգտագործվող գյուղատնտեսական հողեր, որոնք նպատակային չեն օգտագործվում: «Դրանց մեծ մասի սեփանակատերերը ՀՀ-ում չեն ապրում, որ գոնե վարձակալության տան նրանց, ովքեր կարող են մշակել»,- ասաց
Ըստ մարզերի՝ սահմանելու ենք հողի վարձակալության պետական գին՝ հաշվի առնելով հողի կատեգորիան: Երբ մի հող երկար ժամանակ չի օգտագործվում, եւ սեփանակատերը ՀՀ-ում է կամ ՀՀ-ում չէ, մենք վերցնենք հողը, պետությունը դա վարձակալությամբ հանձնի տնտեսվարողին, իսկ սեփանակատիրոջը վճարի վարձակալության գումար: Չմշակվող հողն այսպես կդարձնենք մշակվող:
Կառավարության ղեկավարն ասաց, որ կան խնդիրներ սրա հետ կապված: «Այսօր ՀՀ-ում բախվում ենք հողերի սեփանականաշնորհման մի գործընթացի հետ, որը խոչընդոտներ է ստեղծում: Նախ հողերը կտրված են ահավոր: Եթե ուզում ես 20 հա հող, դա մի քանի սեփականատերերի հողի արանքում է: Երկրորդ՝ սեփականատերերի մի մասը մահացած են, հայտնի չէ՝ ովքեր են նրանց ժառանգները: Մի մասն էլ Հայաստանում չէ: Մենք ունենք քարտեզագրման պրոբլեմ: Այս կարգի լուրջ պրոբլեմներ կան»,- մանրամասնեց պարոն Փաշինյանը:
