ՀՀ տնտեսական մրցակցության պաշտպանության պետական հանձնաժողովի մարտի 31-ի որոշմամբ հանձնաժողովի կանոնադրության մեջ փոփոխություն և լրացումներ են կատարվել, ըստ որոնց՝ վարչական վարույթի մասնակիցների համար հնարավորություն է ստեղծվել ցանկության դեպքում հանձնաժողովի նիստերին մասնակցել նաև տեսաձայնային հեռահաղորդակցության միջոցների կիրառմամբ իրական ժամանակի ռեժիմում:
Ինչպես տեղեկացրին ՀՀ տնտեսական մրցակցության պաշտպանության պետական հանձնաժողովից, համապատասխան տեխնիկական միջոցների առկայության դեպքում հանձնաժողովի նիստի անցկացման օրվանից առնվազն 5 օր առաջ վարչական վարույթի մասնակիցը կարող է դիմում ուղարկել [email protected] պաշտոնական էլեկտրոնային փոստի հասցեին կամ այն հանձնաժողովին հասցեագել «Էլեկտրոնային հարցումների միասնական հարթակի» (https://e-request.am/) միջոցով:
Մանրամասներին կարելի է ծանոթանալ հանձնաժողովի պաշտոնական կայքում։
