ԱՄՆ նախագահ Բարաք Օբաման կարգադրել է սառեցնել Ռուսաստանի և Ուկրաինայի բոլոր այն քաղաքացիների հաշիվները, ովքեր, ըստ պաշտոնական Վաշինգտոնի, այս կամ այն կերպով կապ ունեն Ուկրաինայում և մասնավորապես Ղրիմում իրավիճակի ապակայունացման հետ: Այդ մասին հաղորդում է Reuters-ը:
Այս ցուցակում տեղ գտած անձանց նկատմամբ կկիրառվեն նաև վիզային սահմանափակումներ: Սպիտակ տունը չի բացառել նոր քայլերի իրագործումը` ի պատասխան Ղրիմի շուրջ զարգացող դեպքերի:
Հիշեցնենք նաև, որ Ռուսաստանի արտգործնախարար Սերգեյ Լավրովը երեկ հայտարարել է, որ յուրաքանչյուր նման քայլ կհանգեցնի համազոր պատասխանի պաշտոնական Մոսկվայի կողմից:
