87-ամյա մորը դաժանաբար սպանելու համար կասկածվող 58-ամյա որդին խոստովանել է հանցանքը: Նա ասել է, որ ինքն էլ կացնով սպանել մորը ու մասնատել մարմինը:
Ինչպես տեղեկացնում է «Հայկական Ժամանակ»-ը 58-ամյա տղամարդը նախկինում դատապարտված է եղել. նա մեղավոր է ճանաչվել եւ 2007 թվականին 11 տարի 6 ամիս ժամկետով ազատազրկման դատապարտվել Վանաձոր քաղաքի նոտար Սոնյա Վերանյանին իր աշխատասենյակում որսորդական հրացանով սպանելու եւ ապօրինի հրազենի օգտագործման համար: Պատժի կրումից տղամարդն ազատ էր արձակվել 2018 թվականին:
Տղամարդը ոստիկաններին հայտնել է, որ մոր մարմինը դանակով մասնատելուց հետո, լցրել է պոլիէթիլենային պարկի մեջ, նետել աղբանոցն ու այրել: 87-ամյա կնոջ մասնատված ու կիսաայրված մարմնամասերը իրավապահները հայտնաբերվել են քաղաքային աղբավայրում, որը գտնվում է Արջուտ գյուղի սկզբնամասում:
ՀԺ-ի տեղեկություններով, մայր ու որդի ապրել են միասին: Մոր անհետանալու մասին ոստիկանությունում հաղորդում է ներկայացրել դուստրը՝ մի քանի օր մորից լուր չունենալուց ու նրանց չգտնելուց հետո:
Մեզ հայտնի դարձավ նաեւ, որ 58-ամյա տղամարդը հաշվառված է եղել Լոռու մարզի հոգենյարդաբանական դիսպանսերում, վերջերս կրկին տեղափոխվել է այնտեղ, սակայն մի քանի օր անց դուրս գրվել:
Դեպքի առթիվ սպանության հատկանիշներով հարուցվել է քրեական գործ, տղամարդը ձերբակալված է:
