ԱՄՆ կինոքննադատների ասոցիացիան (Broadcast Film Critics Association) 2013 թվականի լավագույն ֆիլմ է ճանաչել «Ստրկության 12 տարին», որի ռեժիսորը Սթիվ Մաքուինն է։ Այս մասին հաղորդում է Associated Press գործակալությունը։
2013 թվականի լավագույն ռեժիսորի տիտղոսը նվաճել է «Ոսկե գլոբուսի» դափնեկիր Ալֆոնսո Կուարոնը, ով հեղինակել է «Գրավիտացիա» ֆիլմը։ Նշվում է, որ գրեթե բոլոր անվանակարգերի հաղթողները համընկել են «Ոսկե գլոբուս» մրցանակի հաղթողների հետ։ Լավագույն դերասան է դարձել Մեթյու ՄըքՔոնահին «Դալասի գնորդների ակումբը» ֆիլմի համար։ «Լավագույն կին դերասանուհի» անվանակարգում հավասարը չի ունեցել Քեյթ Բլանշետը՝ «Հասմիկ» ֆիլմի համար։ Երկու դերասաններն էլ մեկ շաբաթ առաջ արժանացել էին «Ոսկե գլոբուսի»։
